Skip to main content

त्यो दिन अवश्य आउनेछ

त्यो दिन अवश्य आउनेछ जुन दिन,
विल गेट्स र माग्ने दाई,
चिया पसलमा मनका कुरा साट्दै हुनेछन् ,
ट्रम्पले पद त्याग्नेछन् र समुन्द्र डिलमा,
डल्फिनको नाच हेर्न मग्न हुनेछन ।

त्यो दिन अवश्य आउनेछ जुन दिन ,
इंजिनीयरहरु बाध्यवाधनका सामग्री
डिजाईन गर्दै हुनेछन् ,
डाक्टरहरु रोगीविहिन अस्पताललाई
संगीत घर बनाउनेछन् ,
र वैज्ञानिक छमछम नाच्नेछन् ।

त्यो दिन अवश्य आउनेछ जुन दिन,
पुस्तक विहिन विद्यालयमा विद्यार्थीहरु
परीक्षा विहिन वर्षहरु काट्नेछन् ।

त्यो दिन अवश्य आउनेछ जुन दिन ,
कान्तिपुर दैनिक प्रकृतिमय सुन्दर
तस्विरले भरिएको हुनेछ ,
र केवल एउटा सूचना हुनेछ,
जसमा राष्ट्रपति बनिदिन विन्ती गरिनेछ ।

त्यो दिन अवश्य आउनेछ जुन दिन ,
चिडियाघर खाली हुनेछन,
खरायोहरु मानिससंग रम्नेछन्,
र मानिसहरु पान्डाको वस्तीमा पाहुना बस्नेछन् ।

त्यो दिन अवश्य आउनेछ जुन दिन,
उद्योगहरु खाली हुनेछन ,
उद्योगपतिले विउ छर्नेछन् र
हिलो छेप्दै धान रोप्नेछन् ।

त्यो दिन अवश्य आउनेछ जुन दिन,
पाइलटहरु चंगा उडाउनेछन् ,
विन लादेनहरु लण्डनको सुन्दर गाउमा
गित कोर्दै हुनेछन् ।

त्यो दिन अवश्य आउनेछ जुन दिन ,
हिटलरहरु बुद्ध बन्नेछन् ,
ISIS हरु वृक्षारोपण अभियानमा जुट्नेछन्,
माओ र लेनिनहरु
सौचालय निर्माणको अभियान चलाउनेछन् ।

त्यो दिन अवश्य आउनेछ जुन दिन,
गोलीको साटो कोइलीको आवाज गुन्जनेछ,
बमको साटो कागले सुन्दर गित गाउनेछ ।

त्यो दिन अवश्य आउनेछ जुन दिन,
अन्डरटेकरहरु रिंगमा कमेडी शो गर्नेछन्,
र दर्सकहरु पेट मिचिमिची हास्नेछन्  ।

त्यो दिन अवश्य आउनेछ जुन दिन,
निलआर्मस्ट्रङ्गहरु सगरमाथामा पाइला राख्नेछन्
र हिऊसंग रम्नेछन्,
हिमालले हिऊ फिर्ता  पाउनेछन्
र फूलहरु हास्न थाल्नेछन्  ।

Labels:

Popular posts from this blog

शान्तिदीप बोर्डिङ स्कुल प्रथम स्थानमा !

शान्तिदीप बोर्डिङ स्कुल प्रथम स्थानमा । बुद्धभुमी नगरपालिका ३ टाकुमा एनप्यबसन (NPABSAN) द्वार सन्चालित हाजिर जवाफ प्रतियोगितामा कपिलवस्तु, बुद्धभुमी नगरपालिका वडा न २ गोरुसिङ्गे को शान्तिदीप बोर्डिङ स्कुलले प्रथम पुरस्कार हात पार्न सफल भएको छ। मिती २०७५ मङ्शिर १४ गते बुद्धभुमी नगरपालिका ३ टाकुको रिभिरसाइड पब्लिक बोर्डिङ स्कुलमा भएको उक्त्त प्रतियोगितामा जिल्लाका अन्य धेरै स्कुलहरुले शहभागीता जनाएका थिए।
Read more

अविस्मरणीय क्षण

साच्चै नै अन्मोल थियो त्यो पल, जब मन्द मुस्कान सहित मुस्कुराइ रहेको थिए। शायद त्यो पल देखी मेरो जीवनशैलीमा एक प्रकारको नयाँ परिवर्तन महसुस भएको थियो, र यसरी भयो मेरो त्यो पल को सुरुवात ! अफिसको बिदाको दिन थियो। दिन कसरी बिताउ ? सधैंको ल्यापटप र मोबाईल मात्रै, हिजो फिस्टु सँग बाहिर कतै घुम्न जाने योजना भएको थियो । फिस्टु मैले काम गर्ने अफिस कै स्टाफ हो । उस्लाई म बिगत केही महिना देखी मन पराउन थालेको थिए। उस्को त्यो फिस्टे जस्तो ज्युडाल, त्यसमाथी कल्कलाउदो कालो केश, मिनाक्षीका जस्ता आँखा र उर्बशी को जस्तो मुस्कान। साच्चै भनौ कि धर्ती कि अप्सरा, र म एस्कदम मोहित हुन्थे कि मानौ बर्षा पछिको दृष्यमा मोहित भएजस्तो। तर म उनलाई भन्न सकेको थिएन कि म तिमीलाई मन पराउँछु भनेर। डर लाग्थ्यो कि कतै उनी रिसाउनी हो कि, यस्तै गन्थन मनभरी गुम्सिएको थियो । आजको दिन म उनी सँगै बिताउन चाहन्थे । बिहानको खाना खाएर एकैछिन आराम गरेपछि टेबल बाट मोबाईल उठाएर उनको नम्बर डायल गरे। फोन को टूर-टूर घण्टी सँगै हर्टबिट पनि बढीरहेको थियो। फोन उठाउँदै उनी कोइलीको जस्तो मधुर आवाजमा भन्छीन “अ भन” । “तयार भयौ...
Read more

महाशिवरात्री विशेष "शिव ताण्डब स्ताेत्रम्"

शिव ताण्डव काे महत्व । हिन्दू धर्ममा शिव तांडव स्तोत्रमको एकदमै प्रभावशाली महत्त्व छ, जसरी भगवानहरूका भगवान महादेवलाई पनि परमेश्वरहरुमा उच्च स्थान दिइएको छ, त्यस्तै गरी यस स्तोत्रलाई पनि विशेष मानिन्छ। याे विश्वास छ कि शिव तांडव स्तोत्र जप गरेर भगवान शिव चाँडै नै प्रसन्न हुन सक्नुहुन्छ र उहाँबाट इच्छित वरदान प्राप्त गर्न सक्नुहुन्छ। शिव ताण्डवकाे उत्पती । यस संसारमा, शिवको पहिलो भक्तहरु मध्ये, पहिलो लंकाधिपति रावणलाई चिनिन्छ। रावण शिवका एक महान भक्त थिए र भोलेनाथलाई खुशी पार्न एक पटक उनले शिव तांडव स्तोत्रको जप गरे। हिन्दू पौराणिक कथा अनुसार, जब रावणले सम्पूर्ण पृथ्वी र देवलोकमाथि आफ्नो प्रभुत्व जमाए तब कैलाश पर्वतलाई हराउने विचार पनि उनको दिमागमा आयो। जब रावणले कैलाश पर्वतलाई आफ्नो शक्तिमा उचाल्न थाले, त्यति नै बेला प्रभु शिवले कैलास पर्वतलाई दबाउन आफ्नो औंलाको प्रयोग गर्‍यो, जसको कारण रावणले उनलाई सार्न पनि सकेनन्। त्यसपछि उनले शिवलाई प्रसन्न पार्न भगवान शिवकाे प्रशंसा गरे जसलाई शिव तण्डव स्तोत्र पनि भनिन्छ। ताण्डवकाे अर्थ शिव तांडव स्तोत्रको बारेमा पूर्ण जानकारी प्राप्त गर्नु अघि...
Read more