त्यो दिन अवश्य आउनेछ जुन दिन, विल गेट्स र माग्ने दाई, चिया पसलमा मनका कुरा साट्दै हुनेछन् , ट्रम्पले पद त्याग्नेछन् र समुन्द्र डिलमा, डल्फिनको नाच हेर्न मग्न हुनेछन । त्यो दिन अवश्य आउनेछ जुन दिन , इंजिनीयरहरु बाध्यवाधनका सामग्री डिजाईन गर्दै हुनेछन् , डाक्टरहरु रोगीविहिन अस्पताललाई संगीत घर बनाउनेछन् , र वैज्ञानिक छमछम नाच्नेछन् । त्यो दिन अवश्य आउनेछ जुन दिन, पुस्तक विहिन विद्यालयमा विद्यार्थीहरु परीक्षा विहिन वर्षहरु काट्नेछन् । त्यो दिन अवश्य आउनेछ जुन दिन , कान्तिपुर दैनिक प्रकृतिमय सुन्दर तस्विरले भरिएको हुनेछ , र केवल एउटा सूचना हुनेछ, जसमा राष्ट्रपति बनिदिन विन्ती गरिनेछ । त्यो दिन अवश्य आउनेछ जुन दिन , चिडियाघर खाली हुनेछन, खरायोहरु मानिससंग रम्नेछन्, र मानिसहरु पान्डाको वस्तीमा पाहुना बस्नेछन् । त्यो दिन अवश्य आउनेछ जुन दिन, उद्योगहरु खाली हुनेछन , उद्योगपतिले विउ छर्नेछन् र हिलो छेप्दै धान रोप्नेछन् । त्यो दिन अवश्य आउनेछ जुन दिन, पाइलटहरु चंगा उडाउनेछन् , विन लादेनहरु लण्डनको सुन्दर गाउमा गित कोर्दै हुनेछन् । त्यो दिन अवश्य आउनेछ जुन दिन , हिटलरहरु बुद्ध बन्नेछन् , ISIS हरु...
ऋतु मलाई सबै याद छ तिम्रो बानी हरु, एक पटक तिमीले आफै भनेकी थियौ होइन र, आफ्नो बानिलाई छन्दबद्ध शैलीमा, मलाई अझैपनि याद छ तिम्रा ती कुराहरु । तिमीले आफ्नो बानीलाई छन्दशैलीमा यसरी बयान गरेकी थियौ । म सधै ढिला गर्छु, म सधै ढिला गर्छु, कसैलाई रुवाउन होस या हसाउन होस, कसैलाई रिसाउन होस या फकाउन होस, कहि कतै जान होस या कतैबाट फर्किन होस, म सधै ढिला गर्छु । हो म सधै ढिला गर्छु कसैको प्रेमलाई बुझ्न होस या स्वीकार्न होस, कसैलाई माया गर्न होस या घृणा गर्न होस, कसैलाई सम्झिन होस त कसैलाई बिर्सिन होस म सधै ढिला गर्छु । एस्तै एस्तै छन्दमा भनेकी थियौ आफ्नो बानिहरुलाई । अनि मलाइ पनि तिम्रो बानिको प्रतिक्रिया छन्दरुपमै दिन मन लाग्थ्यो ऋतु । मलाई भन्न मन लाग्थ्यो होस गर प्रिय हर कुराको एक निश्चित समय हुन्छ । माया होस या मुल, बाध फुट्ने एक निश्चित समय हुन्छ ।। ढिला, सुस्त र आरामले त कामकाज मात्रै गर्ने हो । प्रस्ताव होस या निर्णय, निचोड लिने एक निश्चित समय हुन्छ ।। बार्गेन त किनमेलमा हुन्छ प्रिय वस्तुको स्तर हेरीकन । माया होस या सामान, लाउने र किन्ने एक निश्चित समय हुन्छ ।। तर तर अफ्सोस मैले भन्न नपा...